بقلم : احمد محمود ... المشكلة في البلد دي مش في الجهل بقدر ما هي في وهم العلم، الجاهل مش مشكلة، الجاهل دا عامل زي صفحة بيضا ممكن تكتب عليها إللي إنت عايزه وهو مش هيمانع، لكن عقل النصف متعلم دا عامل زي صفحة متوسخة وعليها حبر مشغبط في كل ناحية وكلمات غير مفهومة، ولذلك مهمة إصلاحه أصعب بكتير لأنك هتضطر تمسح الحاجات دي كلها وتبدأ تاني، وخد بقى كل أنواع المقاومة والسخرية والصعوبة وانت بتحاول تمسح. لما تتكلم مع جاهل ومتعلم من عندنا (إللي هو في %99 من الحالات بيبقى نصف متعلم - عنده وهم العلم -) هتدرك إن المشكلة بتبدأ من التاني مش من الأول خالص، من التاني إللي كل ما يكلمك في موضوع بيديك معلومتين صح يتخللهم 10 غلط، بعدين بتخرج من تحت إيده فاكر نفسك مفيش زيك وانت في الحقيقة بقيت عامل زي الزومبي الحامل للفيروس بتاع وهم العلم وعمال تزرعه في صاحبك وصاحبك يزرعه في صاحبه وهكذا، وفي الأخر طبعًا الموهومين علميًا دول بيكبروا ويترقوا في المناصب لحد ما في الأخر تلاقيهم مسيطرين عالفن والإعلام وتشكيل وعي الناس وإتخاذ القرار في البلد وبالتالي إللي قرر يتعلم منهم بيتحول لنسخة مصغرة منهم والباقي (الأغلب،) بيبقى في الطراوة، وطبعًا البلد إللي هم بيتخذوا فيها القرار طبيعي إنها بتتحول لترجمة واقعية مادية لفكرهم، بعبارة أخرى، خرابة كبيرة.
ولذلك لو إنت لسة من الجيل الجديد، لازم أهم حاجة تبقى عارفها إنك عايش في بلد لا هي الأولى ولا التانية ولا التالتة ولا حتى العشرين في أي مجال، وبالتالي مفيش أي معلومات هتاخدها من مصادر عربية أو من حد كبير في بلدك إلا وهتبقى بنفس الرداءة وملهاش أي لزامة وهتخليك أجهل من الأول، مهما كانت نيته حسنة وعايز يعلمك فعلاً (وفيه منهم فعلاً كدا،) برضو غصبًا عنه هيروي عطشك المعرفي بق مياه و10 بول، وغصب عنه المنبع نفسه وسخ، فمش هينزل غير وساخة ورداءة، أخره أوي هتبقى معلوماته على طريقة "بيقول لك،" و"بسمع،" إللي هو أصلاً بيبقى سامعها من واحد جاهل قبله وملهاش أساس من الصحة، فلازم تعرف إنك لو تعرف أي لغة أجنبية كويس فعليك جميع الإلتزامات إنك تقرا بيها كل حاجة وتبقى كل مصادرك منها، ولو متعرفش فعليك كل الإلزامات إنك تتعلم واحدة كويس وتقرا بيها كل حاجة، وتأكد إن كل حاجة بالنسبة له هو لغز أو حاجة بس بيسمع عنها من بعيد أو عنده التفاصيل عنها غامضة أو مش متجمعة كويس، اللغة دي هتوفرهالك إنت بشكل لا مثيل له، حتى لو إزاي تصنع قنبلة نووية، عايز أكتر من كدا؟
بالنسبة لي أنا لو الأمر بإيدي وصانع قرار، مش هقدر أأكد كفاية على أهمية التعليم **النضيف** (والشق التاني من العبارة "نضيف،" أهم بكتير جدًا من الشق الأول،) تعليم على طريقة إزاي تقدر تتأكد من المعلومة مش مجرد تجمعها بس، تعليم يعرفك إزاي تاخد كل حاجة بتشكك، تعليم بيعلمك إزاي تقدر تقرا من أكتر من مصدر وتقدر تعرف لو بيتضحك عليك ولا لأ. لو حتى بعض الغربيين عندهم رفاهية إنهم ميتعلموش تعليم صحيح، فانت هنا معندكش، إنت عايش في دولة مسبوقة من الدول التانية بسنوات ضوئية وانت المادة الوحيدة المتوافرة لإنقاذها، ولذلك لازم تتعلم وتفهم وتقرا لو عايز يبقى عندك وعي وفيه أمل فيك إنك تلحق ولو حتى شوية صغيرين. إللي أبوه سايب له ملايين ممكن ميتأثرش أوي لو ساب المدرسة أو الجامعة، لكن إللي أبوه مسابلوش حاجة هيتأثر جدًا وحياته كلها غالبًا هتتدمر، وانت معندكش الرفاهية إللي عنده.
ولذلك لو إنت لسة من الجيل الجديد، لازم أهم حاجة تبقى عارفها إنك عايش في بلد لا هي الأولى ولا التانية ولا التالتة ولا حتى العشرين في أي مجال، وبالتالي مفيش أي معلومات هتاخدها من مصادر عربية أو من حد كبير في بلدك إلا وهتبقى بنفس الرداءة وملهاش أي لزامة وهتخليك أجهل من الأول، مهما كانت نيته حسنة وعايز يعلمك فعلاً (وفيه منهم فعلاً كدا،) برضو غصبًا عنه هيروي عطشك المعرفي بق مياه و10 بول، وغصب عنه المنبع نفسه وسخ، فمش هينزل غير وساخة ورداءة، أخره أوي هتبقى معلوماته على طريقة "بيقول لك،" و"بسمع،" إللي هو أصلاً بيبقى سامعها من واحد جاهل قبله وملهاش أساس من الصحة، فلازم تعرف إنك لو تعرف أي لغة أجنبية كويس فعليك جميع الإلتزامات إنك تقرا بيها كل حاجة وتبقى كل مصادرك منها، ولو متعرفش فعليك كل الإلزامات إنك تتعلم واحدة كويس وتقرا بيها كل حاجة، وتأكد إن كل حاجة بالنسبة له هو لغز أو حاجة بس بيسمع عنها من بعيد أو عنده التفاصيل عنها غامضة أو مش متجمعة كويس، اللغة دي هتوفرهالك إنت بشكل لا مثيل له، حتى لو إزاي تصنع قنبلة نووية، عايز أكتر من كدا؟
بالنسبة لي أنا لو الأمر بإيدي وصانع قرار، مش هقدر أأكد كفاية على أهمية التعليم **النضيف** (والشق التاني من العبارة "نضيف،" أهم بكتير جدًا من الشق الأول،) تعليم على طريقة إزاي تقدر تتأكد من المعلومة مش مجرد تجمعها بس، تعليم يعرفك إزاي تاخد كل حاجة بتشكك، تعليم بيعلمك إزاي تقدر تقرا من أكتر من مصدر وتقدر تعرف لو بيتضحك عليك ولا لأ. لو حتى بعض الغربيين عندهم رفاهية إنهم ميتعلموش تعليم صحيح، فانت هنا معندكش، إنت عايش في دولة مسبوقة من الدول التانية بسنوات ضوئية وانت المادة الوحيدة المتوافرة لإنقاذها، ولذلك لازم تتعلم وتفهم وتقرا لو عايز يبقى عندك وعي وفيه أمل فيك إنك تلحق ولو حتى شوية صغيرين. إللي أبوه سايب له ملايين ممكن ميتأثرش أوي لو ساب المدرسة أو الجامعة، لكن إللي أبوه مسابلوش حاجة هيتأثر جدًا وحياته كلها غالبًا هتتدمر، وانت معندكش الرفاهية إللي عنده.
