عايز أنتحر بس الانتحار مش شجاعة و لا بطولة و لا خيار

 الانتحار مش شجاعة و لا بطولة و لا خيار يحبذ طرحه إلا لو كنت مصاب بالشلل الرباعي (و حتى في الحالة دي ممكن تبقى عالم فيزياء نظرية عظيم على غرار ستيفن هوكنج)، حتى لو كنت لا تؤمن بوجود حياة أخرى بخلاف الحياة الحالية فده المفروض يكون دافع أكبر للحفاظ عليها.

جبت أخرك من أفكارك السياسية أو الدينية....الخ؟ غيرها
جبت أخرك من أهلك؟ اشتغل و اعتمد على نفسك و استقل بحياتك بعيدا عنهم
جبت أخرك من شغلانتك أو دراستك؟ غيرها
جبت أخرك من أصحابك؟ اتعرف على أصحاب تانيين
جبت أخرك من بلدك؟ ابدأ في إجراءات الهجرة لبلد تانية
و هكذا..

مرة تانية أنت لو كل يوم زورت مكان جديد، و اتعرفت على ناس جديدة، و قريت كتاب جديد، و اتفرجت على فيلم جديد، و سمعت موسيقى جديدة، و طبخت و أكلت حاجة جديدة، و اتعلمت مهارة جديدة، هتموت بعد 60 سنة مثلا، و أنت لسه مشوفتش واحد على المليون من العالم.
مينفعش تحصر نفسك في دايرة ضيقة جدا و تعتبرها كل العالم، الكون أوسع بمراحل من مآسيك الشخصية، وهو ببساطة شديدة لا يهتم و لا يبالي، فاتعامل معاه بنفس المنطلق.

الحقيقة أن الحياة غنية جدا، و مشكلتها الرئيسية على رأي (أوسكار وايلد) مش أنها سيئة، لكن أنها كان ممكن تكون أفضل، فببساطة حاول تخليها أفضل.

تم النشر في قسم : مقالات