بقلم : محمد حسن ,, بريطانيا بتتجه لـ تفعيل و تجنيد الهاكرز المُدانين بجرائم إلكترونية للخدمة في صفوف قوات دفاعها الإلكتروني " Cyber Defense Force " اللي هو جيشها الالكتروني بالمعني المٌتعارف عليه ، بريطانيا من اكثر الدول اعتماداً علي التكنولوجيا في المجالات العسكرية و من هنا بتظهر الحاجة لــ " تأجير " أو تفعيل اكبر عدد من خبراء الحروب الالكترونية في صفوف جيشها الالكتروني لتولي مهام الردع الالكتروني و حماية ترسانة المملكة العسكرية ـ داخل بريطانيا عدد كبير من الهاكرز اللي اغلبهم عنده قضايا .. اجهزة الامن البريطانية وضعت خطط لتفعيل و تجنيد مئات من الهاكرز و خبراء الكمبيوتر و صفت كل القضايا اللي عليهم ، طبقاً لخطط وزير الدفاع البريطاني فيليب هاموند اللي أعلن عن بدء تكوينه و انشائه لاكبر وحدات إلكترونية بيم تدريب افرادها اعلي تدريب و تقديم لها احدث المعدات و الاجهزة .. مهام الواحدات الالكترونية UK's Cyber Security Forces اللي بيتم تشكيلها حالياً تعطيل الاتصلات للعدو المستهدف ايان كان و تعطيل و تخريب منشآته النووية و اسلحته الكميائية و السفن الحربية و الطائرات ، ناهيك عن حماية البلد كلها إلكترونيا و ردع اي هجوم إلكتروني .. يُذكر إن بريطانيا العام الماضي اتعرضت لاكتر من 400 الف هجوم إلكتروني متطور جداً استهدف الشبكات الحكومية السرية بأكلملها و كان من الصعب تحديد مصدر الهجمات الا إن المسؤلين رجحوا انه يكون مصدره المارد الصيني او الدب الروسي .. الحروب القادمة هي حروب إلكترونية بلا أدني شك و كل دولة متطورة من دول العالم مدركة لخطورة الحروب الالكترونية و المعلومات كونت وحدات من الهاكرز بل و طورت من قدراتهم و شكلت منهم قوة كبيرة قادرة علي تحقيق مكاسب ما بتتحققش في ميادين الحروب التقليدية .. الجنرال السيسي في اخر حوار ليه كان بيأكد ع اهمية الحروب الالكترونية و ضرورة التصدي لها و الحماية من خطرها .. الراجل كان واعي و عارف باللي بيحصل في دول العالم الاول لكن لحد الان مفيش اي خطوات جادة لتكوين جبهة مصرية إلكترونية حتي علي غرار الجيش السوري الالكتروني " اكثر الجيوش الالكترونية تطوراً .. في عالم موازي من مصر ام الدنيا اعلي الرانكات اللي بيشتغل فيها اوائل الكلية الحربية هي الحرب الالكترونية .. لو سألت اي حد شغال في الحرب الالكترونية من ظباط او غيره عن اهمية الهاكرز هيسألك يعني ايه اصلا هاكرز :)
