بقلم : خالد حبيب ,, واحدة بنت حلال سألتني ممكن نعمل ايه مفيد وقت الحظر. قلت لها أنا ممكن أقول أنا بأعمل ايه، بس ما أعرفش اذا كان مفيد ولا لأ، هأسيبكم تختاروا، و قولولي أكيد هيكون فيه حاجات تانية الواحد يعملها و تفيده و تفيد غيره
1- قراءة: فرصة عبقرية للقراءة بتمعن: كتب محتاجة تركيز. اليومين دول بأقرأ بالتوازي ( في ساعة نحس لجابرييل جارسيا ماركيز) و ( الحرب المقدسة لكارين أرمسترونج)
2- قرآن: دايما الواحد بيتأخر فيه. في الاعادة افادة و خصوصا مع مصحف بتفسير، التدبر يفرق كتير
3- رياضة: على القد جدا بس مهمة. شوية تقويات لو قدرت في البيت، و شوية جري أو حتى مشي لو عندك أجهزة أو ساكن في مكان مفتوح. و الواحد كمان اتعود الصبح يركن بعيد ويضرب مشوار الشغل مشي. دايما مفيد و يعوض بلاوي الأكل الشوارعي و الحاجات الساقعة
4- عيلة: هتكتشف عيلتك من جديد، و اللي كبر و اللي عقل و اللي اتجنن و اللي اتغير، و هتكتشف قد ايه انت كمان بتتغير. تسمعهم على قد ما يسمعوك. تستاهل.
5- أصحاب: مش فيس بوك و بس، مكالمات و حوارات. استمتعت اليومين اللي فاتوا بناس ما كلمناش بعض من 7 أو 8 سنين كمان. من فات قديمه
6- تليفزيون: بعيد تماما عن اي توك شو أو فيديوهات جرايم أو وصلات ردح. فرجة على افلام عربي قديمة و أفلام أجنبي و بالذات الكوميدية. بيسموها بره ( feel good programs . ) يعني و انت بتتفرج تكون مبسوط و رايق. و فعلا بتروق المزاج. و معاها طبعا ماتشات الكورة الأجنبية. و قناة الأهلي شغالة ماتشات حلوة من تاريخ كله انتصارات. مقدرش أنصح الزمالكاوية هنا، لأن مفيش قناة للزمالك، و الانتصارات برضه كانت بعافية. بلاش دي..
7- حسابات شخصية: عندك وقت تقفل الليلة بقعدات حساب شخصي مع النفس. مهم كل شوية تراجع نفسك و تشوف انت واقف فين و أهدافك زي ما هي ولا اتغيرت، و اللي انت بتعمله هيوصلك لأهدافك، و لا انت عايز تروح اسكندرية بس ماشي في طريق أسوان. أوعدك هتفاجأ بحاجات كتير و مش بعيد تاخد قرارات مصيرية.
8- صلة رحم: بأقولكم عليها لكن بصراحة مقصر فيها. بس برضه في غاية الأهمية. زرنا جيراننا لكن لازم نكلم قرايبنا و نسأل عليهم برضه
9- تفكير و حلول: فرصة نادرة تحاول تدرب نفسك على طريقة تفكير مختلفة و ايجابية. حط نفسك مكان كل مسؤول انت بتنتقده، و تخيل الظروف و المتغيرات و التحديات، و فكر في الحلول الكاملة. لحد الآخر مش أول خطوة و بس. صعبة بس لعبة حلوة.. دماغك هتشتغل و ايجابيتك هتزيد، و تقديرك لصعوبة ظروف غيرك هيعلى .
يا دوب كده. يا رب الحظر يخلص بسرعة، بس برضه ناخد فايدته. ان شاء الله خير..
1- قراءة: فرصة عبقرية للقراءة بتمعن: كتب محتاجة تركيز. اليومين دول بأقرأ بالتوازي ( في ساعة نحس لجابرييل جارسيا ماركيز) و ( الحرب المقدسة لكارين أرمسترونج)
2- قرآن: دايما الواحد بيتأخر فيه. في الاعادة افادة و خصوصا مع مصحف بتفسير، التدبر يفرق كتير
3- رياضة: على القد جدا بس مهمة. شوية تقويات لو قدرت في البيت، و شوية جري أو حتى مشي لو عندك أجهزة أو ساكن في مكان مفتوح. و الواحد كمان اتعود الصبح يركن بعيد ويضرب مشوار الشغل مشي. دايما مفيد و يعوض بلاوي الأكل الشوارعي و الحاجات الساقعة
4- عيلة: هتكتشف عيلتك من جديد، و اللي كبر و اللي عقل و اللي اتجنن و اللي اتغير، و هتكتشف قد ايه انت كمان بتتغير. تسمعهم على قد ما يسمعوك. تستاهل.
5- أصحاب: مش فيس بوك و بس، مكالمات و حوارات. استمتعت اليومين اللي فاتوا بناس ما كلمناش بعض من 7 أو 8 سنين كمان. من فات قديمه
6- تليفزيون: بعيد تماما عن اي توك شو أو فيديوهات جرايم أو وصلات ردح. فرجة على افلام عربي قديمة و أفلام أجنبي و بالذات الكوميدية. بيسموها بره ( feel good programs . ) يعني و انت بتتفرج تكون مبسوط و رايق. و فعلا بتروق المزاج. و معاها طبعا ماتشات الكورة الأجنبية. و قناة الأهلي شغالة ماتشات حلوة من تاريخ كله انتصارات. مقدرش أنصح الزمالكاوية هنا، لأن مفيش قناة للزمالك، و الانتصارات برضه كانت بعافية. بلاش دي..
7- حسابات شخصية: عندك وقت تقفل الليلة بقعدات حساب شخصي مع النفس. مهم كل شوية تراجع نفسك و تشوف انت واقف فين و أهدافك زي ما هي ولا اتغيرت، و اللي انت بتعمله هيوصلك لأهدافك، و لا انت عايز تروح اسكندرية بس ماشي في طريق أسوان. أوعدك هتفاجأ بحاجات كتير و مش بعيد تاخد قرارات مصيرية.
8- صلة رحم: بأقولكم عليها لكن بصراحة مقصر فيها. بس برضه في غاية الأهمية. زرنا جيراننا لكن لازم نكلم قرايبنا و نسأل عليهم برضه
9- تفكير و حلول: فرصة نادرة تحاول تدرب نفسك على طريقة تفكير مختلفة و ايجابية. حط نفسك مكان كل مسؤول انت بتنتقده، و تخيل الظروف و المتغيرات و التحديات، و فكر في الحلول الكاملة. لحد الآخر مش أول خطوة و بس. صعبة بس لعبة حلوة.. دماغك هتشتغل و ايجابيتك هتزيد، و تقديرك لصعوبة ظروف غيرك هيعلى .
يا دوب كده. يا رب الحظر يخلص بسرعة، بس برضه ناخد فايدته. ان شاء الله خير..
