في برنامج تسجيلي عن حياته حكي آلان شيرار حكاية غريبة (من لا يعرف آلان شيرار لن يفرق الأمر معه كثيرا).. شيرار عندما كان لاعبا صاعدا في ساوثهامبتون كيني دالجليش قابله وعرض عليه الانضمام لبلاكبرن روفرز، اللي كان وقتها فريق صعد للبرمير ليج من موسمين فقط.. حاجة زي كارديف سيتي.. شيرار طلبه من 4 أيام للرد.. بمجرد ما وصل البيت جاله اتصال من إدارة مانشستر يونايتد بيقولوا إن أليكس فيرجسون (اللي مكانش لسه بقى سير) طالب انضمامه لأقوى نادي في بريطانيا، لكن بيشترط أن تتم الصفقة في نهاية موسم الانتقالات خلال 3 أسابيع.. شيرار قالهم أنا إديت دالجليش كلمة، حاولوا تأكدوا العرض خلال 4 أيام وإلا أكون معتذر.
يونايتد لم يرد عليه بالتأكيد، وشيرار لم يعود في كلمته ووقع لبلاكبرن، عشان ياخد معاهم الدوري في أكبر مفاجأة في تاريخ البرمير ليج (غالبا لن تتكرر مجددا)، ومنها تحول لأسطورة الكرة البريطانية الحديثة.. لو فكرنا في قيمة الاختيار وتقدير الموهبة واحترام الكلمة هنقول كلام خايب من بتوع الصعبانيات، بس لو فكرنا من زاوية تانية هنشوف إيه كان ممكن يحصل لو مانشستر اجرى الاتصال وخطف شيرار.. لعبة ماذا لو المحبوبة..
أول نتيجة طبعا إن بلاكبرن كان من المستحيل ياخد الدوري، ومانشستر كان هيعادل رقم ليفربول بدري سنة، وكان شيرار وشيرنجهام هيسيطروا على هجوم مانشستر زي سيطرتهم على هجوم المنتخب، وبالتالي كان من الصعب جدا أن يأخذ الثنائي الشهير دوايت يورك وأندي كول الفرصة، وبالتالي ترينداد وتوباجو كان مستحيل توصل كاس العالم، وكان لعب مانشستر هيميل أكتر وأكتر للتغذية من الأجناب، الإسلوب الذي لابد وأن يتبعه كل فريق يلعب له شيرار (خصوصا لو معاه شيرنجهام وبعدها سولسكاير).. الفوز بالدوري كان هيعلي أسهم مدافعي مانشستر في المنتخب، وكان وارد جدا إن واحد منهم ياخد مكان جاريث ساوثجايت في المنتخب، وبالتالي مكانتش ضربة الترجيح هتضيع في يورو 1996، وكان ممكن نشوف انجلترا في النهائي وتاخد أول يورو في حياتها.
وبحكم طول سنوات مانشستر في الملاعب نسبيا، كان من الممكن جدا يكون شيرار لسه بيلعب لحد انهارده مع بني جيله جيجز وسكولز (الأصغير قليلا).. أول على الأقل لومكانش لحد انهارده، فهيكون من حوالي 5-6 أكيد في الملعب.. وبالتالي وطبقا لما قلناه عن أسلوب اللعب، فكان من الصعب جدا لاعب زي كرستيانو رونالدو يتم التفكير في ضمه لمانشستر، وكان في الأغلب هيشق طريقه في أوروبا من مشوار أصعب قليلا.. ومش بعيد كان برشلونة هو الفريق الذي يضمه مبكرا ويحتضن موهبته.. ومش عاوز أجدف أكتر وأقول إنه لاعب زي بيكام كان كمان صعب يسيب مانشستر وشيرار في الملعب. الواحد ممكن يكمل خيال للصبح بس كفاية كده.. الباترفلاي إيفيكت وعمايله .
بقلم : أحمد شوقي
يونايتد لم يرد عليه بالتأكيد، وشيرار لم يعود في كلمته ووقع لبلاكبرن، عشان ياخد معاهم الدوري في أكبر مفاجأة في تاريخ البرمير ليج (غالبا لن تتكرر مجددا)، ومنها تحول لأسطورة الكرة البريطانية الحديثة.. لو فكرنا في قيمة الاختيار وتقدير الموهبة واحترام الكلمة هنقول كلام خايب من بتوع الصعبانيات، بس لو فكرنا من زاوية تانية هنشوف إيه كان ممكن يحصل لو مانشستر اجرى الاتصال وخطف شيرار.. لعبة ماذا لو المحبوبة..
أول نتيجة طبعا إن بلاكبرن كان من المستحيل ياخد الدوري، ومانشستر كان هيعادل رقم ليفربول بدري سنة، وكان شيرار وشيرنجهام هيسيطروا على هجوم مانشستر زي سيطرتهم على هجوم المنتخب، وبالتالي كان من الصعب جدا أن يأخذ الثنائي الشهير دوايت يورك وأندي كول الفرصة، وبالتالي ترينداد وتوباجو كان مستحيل توصل كاس العالم، وكان لعب مانشستر هيميل أكتر وأكتر للتغذية من الأجناب، الإسلوب الذي لابد وأن يتبعه كل فريق يلعب له شيرار (خصوصا لو معاه شيرنجهام وبعدها سولسكاير).. الفوز بالدوري كان هيعلي أسهم مدافعي مانشستر في المنتخب، وكان وارد جدا إن واحد منهم ياخد مكان جاريث ساوثجايت في المنتخب، وبالتالي مكانتش ضربة الترجيح هتضيع في يورو 1996، وكان ممكن نشوف انجلترا في النهائي وتاخد أول يورو في حياتها.
وبحكم طول سنوات مانشستر في الملاعب نسبيا، كان من الممكن جدا يكون شيرار لسه بيلعب لحد انهارده مع بني جيله جيجز وسكولز (الأصغير قليلا).. أول على الأقل لومكانش لحد انهارده، فهيكون من حوالي 5-6 أكيد في الملعب.. وبالتالي وطبقا لما قلناه عن أسلوب اللعب، فكان من الصعب جدا لاعب زي كرستيانو رونالدو يتم التفكير في ضمه لمانشستر، وكان في الأغلب هيشق طريقه في أوروبا من مشوار أصعب قليلا.. ومش بعيد كان برشلونة هو الفريق الذي يضمه مبكرا ويحتضن موهبته.. ومش عاوز أجدف أكتر وأقول إنه لاعب زي بيكام كان كمان صعب يسيب مانشستر وشيرار في الملعب. الواحد ممكن يكمل خيال للصبح بس كفاية كده.. الباترفلاي إيفيكت وعمايله .
بقلم : أحمد شوقي
