بقلم : عمر عزت ,, حوار تخيلي بين واحد أخواني و واحد مؤيد للجيش علي القهوة :)
- إنت هاتسكت على الانقلاب وحكم العسكر يا حاج ؟
- طيب عاوز إيه يا حسن؟ نقول لهم انتخابات مبكرة بسرعة؟
- انتخابات لأ تحت حكم العسكر يا حاج !
- أمال هي المرة اللي فاز فيها مرسي كانت تحت حكم أمي؟
- لا دلوقتي حاجة تانية يا حاج
- يعني عاوز إيه دلوقتي؟
- نكسر الانقلاب
- وبعدين؟
-نرجع بقى للشرعية
- اللي هي إيه؟
- دستور 2012
- بس دا سبب خناقتنا يا حسن
- ما هو مجلس الشورى هايعمل عليه تعديلات علشان التوافق
- ما هو مجلس الشورى دا اللي ماحدش انتخبه وكنا عاوزين نلغيه أصلا والإخوان حشروه في أم الدستور ومرسي كمله تعيينات ، ودا برضه سبب خناقتنا يا حسن
- ما هو مؤقتا بس لحد ما محمد مرسي يدعو لانتخابات برلمانية مبكرة
- هو مرسي كمان راجع؟
- أيوه طبعا، هو الرئيس الشرعي، وهو اللي يشوف مطالب الناس ويحقق التوافق
- طيب ما عملش كدا ليه في 30 يونيو
- معلش كان معاه تليفون واتأخر شوية
-تصدق أنا برضه قلت الراجل معذور ، وبرضه الراجل دا معاه شرعية وما يصحش يحصل معاه كدا
- فطرتك نقية يا حاج
- اه أنا فطرتي نقية وكنت نازل أتعولق شوية في 30 يونيو .. بس فيه ناس مش هاترضى خالص بمحمد مرسي دا تاني، دا إذا السيسي قال لنا مكانه فين أساسا
- خلاص يبقى لجنة من "التحالف الوطني لدعم الشرعية" تمسك البلد لحد ما يرجع ونتفق على خريطة طريق
- مين التحالف دول يا حسن؟
- قيادات الإخوان وحزب الوسط والجماعة الإسلامية وناس تانية
- دي ناس جميلة خالص يا حسن
-لأ ومعانا واحد مسيحي اسمه جان واثنين بنات بشعرهم وواحدة لابسة فيزون - أستغفر الله العظيم - بس ضد الانقلاب ومع الشرعية
- معاكوش رقاصة بالشمعدان ضد الانقلاب كمان؟
- هاها .. أضحك الله سنك يا حاج
- طيب أجيلكم أنا أرقص بالشمعدان للبهوات بتوع تحالف الشرعية؟
- هاها .. الله يعزك يا حاج
- تصدق فعلا احنا شعب وانتو شعب بارد ما عندوش دم
- تصدق إنك أصلا عبد بيادة وهاتفضل طول عمرك عبد بيادة
- ياللا يا ياض يا إرهابي يا وسخ ما تجيش هنا تاني
- رابعة .. رابعة .. رابعة ..
- أيوه رابعة والنهضة وبين السرايات والقائد إبراهيم ... شغل ياض يا عبده "تسلم الأيادي" ولو شفت الواد دا قاعد هنا تاني هنا ابقى فُضه
- إنت هاتسكت على الانقلاب وحكم العسكر يا حاج ؟
- طيب عاوز إيه يا حسن؟ نقول لهم انتخابات مبكرة بسرعة؟
- انتخابات لأ تحت حكم العسكر يا حاج !
- أمال هي المرة اللي فاز فيها مرسي كانت تحت حكم أمي؟
- لا دلوقتي حاجة تانية يا حاج
- يعني عاوز إيه دلوقتي؟
- نكسر الانقلاب
- وبعدين؟
-نرجع بقى للشرعية
- اللي هي إيه؟
- دستور 2012
- بس دا سبب خناقتنا يا حسن
- ما هو مجلس الشورى هايعمل عليه تعديلات علشان التوافق
- ما هو مجلس الشورى دا اللي ماحدش انتخبه وكنا عاوزين نلغيه أصلا والإخوان حشروه في أم الدستور ومرسي كمله تعيينات ، ودا برضه سبب خناقتنا يا حسن
- ما هو مؤقتا بس لحد ما محمد مرسي يدعو لانتخابات برلمانية مبكرة
- هو مرسي كمان راجع؟
- أيوه طبعا، هو الرئيس الشرعي، وهو اللي يشوف مطالب الناس ويحقق التوافق
- طيب ما عملش كدا ليه في 30 يونيو
- معلش كان معاه تليفون واتأخر شوية
-تصدق أنا برضه قلت الراجل معذور ، وبرضه الراجل دا معاه شرعية وما يصحش يحصل معاه كدا
- فطرتك نقية يا حاج
- اه أنا فطرتي نقية وكنت نازل أتعولق شوية في 30 يونيو .. بس فيه ناس مش هاترضى خالص بمحمد مرسي دا تاني، دا إذا السيسي قال لنا مكانه فين أساسا
- خلاص يبقى لجنة من "التحالف الوطني لدعم الشرعية" تمسك البلد لحد ما يرجع ونتفق على خريطة طريق
- مين التحالف دول يا حسن؟
- قيادات الإخوان وحزب الوسط والجماعة الإسلامية وناس تانية
- دي ناس جميلة خالص يا حسن
-لأ ومعانا واحد مسيحي اسمه جان واثنين بنات بشعرهم وواحدة لابسة فيزون - أستغفر الله العظيم - بس ضد الانقلاب ومع الشرعية
- معاكوش رقاصة بالشمعدان ضد الانقلاب كمان؟
- هاها .. أضحك الله سنك يا حاج
- طيب أجيلكم أنا أرقص بالشمعدان للبهوات بتوع تحالف الشرعية؟
- هاها .. الله يعزك يا حاج
- تصدق فعلا احنا شعب وانتو شعب بارد ما عندوش دم
- تصدق إنك أصلا عبد بيادة وهاتفضل طول عمرك عبد بيادة
- ياللا يا ياض يا إرهابي يا وسخ ما تجيش هنا تاني
- رابعة .. رابعة .. رابعة ..
- أيوه رابعة والنهضة وبين السرايات والقائد إبراهيم ... شغل ياض يا عبده "تسلم الأيادي" ولو شفت الواد دا قاعد هنا تاني هنا ابقى فُضه
