بقلم : خالد حبيب ,, كتبت تساؤل عن الناس السلبية المتشائمة اللي شايفة كل حاجة وحشة. جالي ردود من نوعية انت أصلك مش شايف و البلد حالتها وحشة أوي و الظلم و الفساد ماليين الدنيا. و الناس دي فاكراني سايح من بوركينا فاسو. مش عارفين اني كل يوم من ستة الصبح لغاية 11 بالليل بأقطع القاهرة من أولها لآخرها ( بلا مبالغة)، و باروح مناطق تحت مستوى الفقر و الآدمية، و بأتكلم مع كل النوعيات من أفقر واحد لأغنى واحد، و بيجيلي عن طريق البرنامج مشاكل و مآسي تخليني أخجل اني بني آدم. و باقرا و اتابع الأحداث من خلال كل الصحف و المجالات المحلية و الدولة و الاقليمية، المحترمة و الحقيرة، عشان أشوف الصورة الكاملة. و الصورة الكاملة و الواقعية بتقول اننا لازم نشتغل كل ثانية في الحياة، لو عايزين بلدنا تعيش. عشان كده ما بأقفش كتير عند مين غلطان، لأن كلنا غلطانين بنسب متفاوتة. و لما ننجح هنبقى كلنا السبب برضه، و الفساد و الجهل و الفقر و المرض بسبب أفعالنا أو انعدام أفعالنا. و الناس المتشائمة و السلبية أنواع:
1- ناس بتشتغل و تعمل اللي عليها، لكن مشدودة و تعبانة و خايفة عالبلد. طبيعي تعبر عن مخاوفك و احباطك، لكن الأحسن لو شجعت نفسك و غيرك بالتفاؤل و الأمل، و يا سلام لو تحاول تساعد غيرك اللي مش عارف يعمل زيك. الصح جميل و لو أي حد شافك هيعمل زيك. انا باحاول اكون منهم.
2- ناس كانت راضية و مبسوطة بالحال طول ما اللي ماسك البلد تبعهم، من أيام الملك فاروق لمبارك لغاية الاخوان و لغاية النهارده، و اول ما ناسهم يخرجوا من السلطة، يقلبوا يائسين و قانطين و مش طايقين أي حاجة. هيشتغلوا عالقد و بس. و دول عمرهم ما هيتغيروا ولا عمرنا هنسمع لهم.
3- ناس طبيعية و منتجة و بتشتغل و بتحب البلد، لكن للأسف هما او ناس غالية عليهم بيتعرضوا للضرر أو الظلم أو الموت مع التغيير أو حتى الأوضاع المجنونة اللي بنمر بيها. طبيعي انهم يشوفوا كل حاجة سودة و فاسدة و ظالمة. مش سهلة. انك تقنعهم بالنسيان و التقبل و التعامل. و لا انك تفكرهم ما يخلطوش بين العام و الخاص، و لا تخليهم يقتدوا برجالة الصعيد اللي بيقبلوا شيل الكفن و يدفن ابنه و يحط ايده في ايد اللي قتله، عشان ناس كتير تانية تعيش. كنت منهم في يوم من الايام و الحمد لله خرجت من الدوامة .
4- ناس كسرت النظام مليون مرة، و عملت كل أنواع الغلط، من وضع يد على اراضي أو سرقة تيار أو بناء على عشوائيات أو شغل بشكل غير شرعي. و النهارده جاية تقول عايزة آخد كل الحقوق و أقنن وضعي، و لما نقول ما ينفعش، يشوفوا البلد ظالمة و حقيرة و يقولوا اشمعنى غيرنا و سايبينا نموت بالحياة. و مع الجهل و اشمعنى، شبه مستحيل تقنعوا ان ما بني على باطل أكيد باطل. و انك ما لكش حق. و لرضه ما لكش دعوة بغيرك. لازم نقطة بداية. و لازم ندفع تمن الغلط.
5- ناس لا طبيعية ولا منتجة. سلبية و سوداوية، سعادتها في الغم و الهم. شايفين الدنيا من شاشة نت و حوارات أصحاب و برامج توك شو، و معلومات مضروبة و فيديوهات متركبة. و شغالين فلسفة و تنظير سياسي و تحليل و تركيب و تقطيع. أسوأ خلق الله. أعداء ما يجهلون.
لو عندك علم و خبرة و مجهود، يا ريت تحطهم في خدمة البلد. و لو شايف حال الناس منهار، انزل ساعدهم بالفكر و المال و التدريب و التطوير و المعرفة.و لو شايف الكارثة في اللي بيحكموها، قوم بواجبك و حاول تختار ناس أحسن، و لو شايف ان كلهم وحشين و انت أحسن منهم يبقى يا ريت تنزل الملعب و تورينا و تفيدنا كلنا ( من غير عنف ولا تظاهر و موضوع سلمية اللي بتقلب دموية وحياتك). ولا احنا فاكرين أكل العيش و التغيير و الحرية و بالساهل.....و لو شايف الملعب مقفول و مستحيل يدولك فرصة و مفيش فايدة، يبقى أرجوك سيب البلد و هاجر، أكيد البلاد اللي أحسن مننا هيحسوا بقيمتك الحقيقية و يخلوك تمسك حتة كبيرة أوي هناك. لكن لو سمحت قل خيرا أو اصمت، ما تكسرش مقاديفنا. تفاءلوا خيرا تجدوه..
1- ناس بتشتغل و تعمل اللي عليها، لكن مشدودة و تعبانة و خايفة عالبلد. طبيعي تعبر عن مخاوفك و احباطك، لكن الأحسن لو شجعت نفسك و غيرك بالتفاؤل و الأمل، و يا سلام لو تحاول تساعد غيرك اللي مش عارف يعمل زيك. الصح جميل و لو أي حد شافك هيعمل زيك. انا باحاول اكون منهم.
2- ناس كانت راضية و مبسوطة بالحال طول ما اللي ماسك البلد تبعهم، من أيام الملك فاروق لمبارك لغاية الاخوان و لغاية النهارده، و اول ما ناسهم يخرجوا من السلطة، يقلبوا يائسين و قانطين و مش طايقين أي حاجة. هيشتغلوا عالقد و بس. و دول عمرهم ما هيتغيروا ولا عمرنا هنسمع لهم.
3- ناس طبيعية و منتجة و بتشتغل و بتحب البلد، لكن للأسف هما او ناس غالية عليهم بيتعرضوا للضرر أو الظلم أو الموت مع التغيير أو حتى الأوضاع المجنونة اللي بنمر بيها. طبيعي انهم يشوفوا كل حاجة سودة و فاسدة و ظالمة. مش سهلة. انك تقنعهم بالنسيان و التقبل و التعامل. و لا انك تفكرهم ما يخلطوش بين العام و الخاص، و لا تخليهم يقتدوا برجالة الصعيد اللي بيقبلوا شيل الكفن و يدفن ابنه و يحط ايده في ايد اللي قتله، عشان ناس كتير تانية تعيش. كنت منهم في يوم من الايام و الحمد لله خرجت من الدوامة .
4- ناس كسرت النظام مليون مرة، و عملت كل أنواع الغلط، من وضع يد على اراضي أو سرقة تيار أو بناء على عشوائيات أو شغل بشكل غير شرعي. و النهارده جاية تقول عايزة آخد كل الحقوق و أقنن وضعي، و لما نقول ما ينفعش، يشوفوا البلد ظالمة و حقيرة و يقولوا اشمعنى غيرنا و سايبينا نموت بالحياة. و مع الجهل و اشمعنى، شبه مستحيل تقنعوا ان ما بني على باطل أكيد باطل. و انك ما لكش حق. و لرضه ما لكش دعوة بغيرك. لازم نقطة بداية. و لازم ندفع تمن الغلط.
5- ناس لا طبيعية ولا منتجة. سلبية و سوداوية، سعادتها في الغم و الهم. شايفين الدنيا من شاشة نت و حوارات أصحاب و برامج توك شو، و معلومات مضروبة و فيديوهات متركبة. و شغالين فلسفة و تنظير سياسي و تحليل و تركيب و تقطيع. أسوأ خلق الله. أعداء ما يجهلون.
لو عندك علم و خبرة و مجهود، يا ريت تحطهم في خدمة البلد. و لو شايف حال الناس منهار، انزل ساعدهم بالفكر و المال و التدريب و التطوير و المعرفة.و لو شايف الكارثة في اللي بيحكموها، قوم بواجبك و حاول تختار ناس أحسن، و لو شايف ان كلهم وحشين و انت أحسن منهم يبقى يا ريت تنزل الملعب و تورينا و تفيدنا كلنا ( من غير عنف ولا تظاهر و موضوع سلمية اللي بتقلب دموية وحياتك). ولا احنا فاكرين أكل العيش و التغيير و الحرية و بالساهل.....و لو شايف الملعب مقفول و مستحيل يدولك فرصة و مفيش فايدة، يبقى أرجوك سيب البلد و هاجر، أكيد البلاد اللي أحسن مننا هيحسوا بقيمتك الحقيقية و يخلوك تمسك حتة كبيرة أوي هناك. لكن لو سمحت قل خيرا أو اصمت، ما تكسرش مقاديفنا. تفاءلوا خيرا تجدوه..
