بقلم : محمد حسن ,, مكتب الفيسبوك لـ الشرق الاوسط (في دبي) هو من اسوأ مكاتب الفيسبوك في العالم علي الاطلاق .. إدارة في منتهي السوء ، مؤخراً إنضم اكتر من مهندس و مبرمج الي إدارة الفيس ، بيشتغلوا في الــ Statics للموقع ، لكن للاسف يبدوا ان ادارة الفيسبوك في كاليفورنيا ما بتعرفش تختار كويس او هي قاصدة انها تعيين مهندسين و مبرمجين في الشرق الاوسط بيخلطوا ما بين تواجهاتهم السياسية و ما بين شغلهم في الادارة .. مؤخراً تم قفل صفحات علمانية بالجملة و إنذار البعض و تم اغلاق اكتر من حساب شخصي لبعض الملحدين و اللا دينيين العرب و المصريين علي الرغم من عدم احتواء حساباتهم الشخصية لأي محتوي يدعوا للعنف مقارنةً بــ حاسابات الاسلاميين اللي كلها عنف و تحريض ، الموضوع زاد عن حده و اصبح في ادمنز في الفيسبوك داخل دبي ـ بالعربي كده ـ مستقصدين بعض الصفحات و بيقوموا بقفلها بطريقة في منتهي الاستفزاز بعدد قليل من الريبورتات في حين ان فيه الالاف من الصفحات الاسلامية اللي بتدعوا للعنف و القتل بتزاول نشاطها بدون أي مشاكل ، نفس الاسلوب حصل مع الجيش السوري الالكتروني اللي تم قفل صفحته الرسمية اكتر من 245 مرة ، ظاهرة الجهاد الالكتروني قوية لكنها مش قوية كفايا انها تتسبب في قفل الكم ده من الصحفات و الحسابات الشخصية ، تطور ظاهرة الجهاد الالكتروني يرجع لادارة كل صفحات الاسلامين و جروباتهم من داخل تركيا .. حتي موقع اخوان اون لاين بيتم ادارة بواسطة مجموعة من الهاكز البلاك هاتس الاتراك .
نفوذ الحكومات علي الفيسبوك بيكون قوي ، اسرائيل طلبت قفل اي صفحات لاسطول الحرية قبل اعوام مضت و تم حذف الصفحات المطلوبة و منهم صفحة الانتفاضة الثالثة ، و الان اصبحت كل الصفحات العلمانية و خاصةً في مصر و الحسابات الشخصية مهددة بالقفل في اي لحظة بسبب هرتلة ادمنز الفيس اللي بيديروا الشرق الاوسط .. و للاسف مفيش اي تقارير هتتبعت لــ كاليفورنيا ممكن تجيب نتيجة ، من الواضح انهم موافقين جداً ع المهازل اللي بتحصل هنا .. منطقة موبوءة حتي في السوشيال ميديا .
