بقلم : إيهاب عمر ,, مبدئيا انا مكنتش عايز اتكلم فى الموضوع دا لانى فعليا فصلت من الاراء بتاعت السيسي هو اللى ورا التسريبات .. و الطريف ان الشباب دول انقذوا ماء وجه بعض الصفحات الرسمية او المحسوبة على الدولة اللى سارعت باعطاء ايحاء بهذا الامرفى كل معسكر فيه فريق مأفور فى امكانيات كل طرف تقريبا .. دا غير انه كل واحد بيحكم على تأثير الفيديو بحسب امكانياته المعلوماتية
بالنسبة لى مفيش اى جديد فى الفيديوهات دي .. الفيديو بتاع الاعلام مفهوم انه الجيش تحديدا مكنش مسيطر على الساحة الاعلامية بالشكل اللى البعض فاكره قبل 25 يناير .. و ان يد المخابرات الحربية اطلقت داخل المجتمع بشكل قوى و حقيقي بشكل تدريجي بداية من يوم 26 يناير لما استشعر الجيش ان مفاصل الدولة بدات تترنح
الفيديو الخاص بحمدين صباحي غلبت اقول و نشرت الكلام دا فى كتب بل و وضعتها علنا على غلاف احد كتبي .. مجرد كارت .. هو موافق يبقا مجرد كارت و سعيد بكدا .. زيه زي اغلب شخصيات اللى ع الساحة .. يا اما فى ايد اجهزة سيادية او اجهزة استخبارات اجنبية
بالنسبة لموضوع ان السيسي هيترشح للرئاسة كفاية عبط .. هيترشح بنسبة 100 % و هيفوز .. و كل تحركات الاخوان و بعض الاطراف الاخرى داخل مصر بدعم من امريكا عشان توقف تسونامي السيسي .. دا م الآخر .. اللى مراهن ان الجبهة الداخلية الشعبية هتقف ضد دا يبقا عبيط .. و اللى فاكر ان تأوهات القوادين بتاعت انا شايفه راجل وطني و مش هيترشح و كل الكلام المزدوج دا اللى لا يصدر الا من ناس عارفة ان السيسي قفل لهم السبوبة مياكلش فى دماغ الناس بتلاتة تعريفة .. السيسي ضامن اغلبية خلاص .. و كل اللى الاخوان و الطابور الخامس ( الثوار سابقا ) و بعض الجهات الاخرى ( تحسب على ما يسمي الفلول ) عايزين يعملوه دلوقتي هو توريط الرجل فى موقعة زي محمد محمود او مجلس الوزراء او العباسية او اى مصيبة تانية عشان صورته تتهز قدام الناس
مشكلة الفيديوهات دي بالنسبة لى مش فى محتواها .. اللى اتقال مفهوم و معروف جدا للى متابع بجد مش عشان يعبى مقاله اليوم او الستيس الصباحي بتاعه .. انما المشكلة فى الاختراق نفسه و العلنية اللى تؤكد ان اصحابها مسنودين ، العملية دي ذات طابع استخباراتي .. و بالتالى الاسلاميين مجرد واجهة لها .. و الاسلاميين عموما فى مصر من 28 يناير 2011 مرورا بحكم مرسي وصولا الى اليوم و الى الابد مجرد منفذ و واجهة لتحركات و تخطيطات للغير هما اغبى من اى شئ فى الوجود و دا كلام اخوان دول تانية على راسهم اخوان حماس اللى اشهر جملة بينهم هى ان اخوان مصر ناس عبيطة و سهل ينضحك عليهم
اللى ورا التسريب دا اما جهاز استخباراتي اجنبي .. او شخصية امنية مصرية ذات نفوذ سواء سابقة او حالية .. لا ثالث لهم .. و معنديش اى اسماء معينة لهذا الامر .. ان كانت اتصور ان الضجيج حول مراد موافى و سامي عنان بالتأكيد لن يأتي من فراغ
المشكلة اللى محدش فاهمها و قلتها مرارا .. نابه ازرق داكن .. و اللى بيتنطط دلوقتي هيتلم من بيته قريب زيه زي 15 مايو 1971 بالظبط .. السيسي مش لاعب سياسي عشان تلعب معاه سياسية .. السيسي محارب و فاهم كويس ان كل ما يجرى يجرى فى اطار حرب الجيل الرابع ، و بالتالى وقت الجد اتصور انه لن يتواني على قش كل اللى فاكرين نفسهم مسنودين بامريكا او حتى بعض الاطراف فى الخليج او اللى فاكرين انهم باصوات الاخوان ممكن يعملوا شعبية موازية لما وصل له قائد الجيش اليوم
