بقلم : خالد حبيب ,, اعتراضات متواصلة على قانون التظاهر ( من كل الأطراف بلا استثناء)، و تحديدا على البنود التالية (وينص القانون الذي طرحته الحكومة على وجوب الحصول على إذن من وزير الداخلية، لتنظيم مظاهرة، وإذا رفض يلجأ المتظاهرون للمحكمة، وحظر الاعتصام نهائيًا، ومنع الاقتراب 50 أو 100 متر من مقار الرئاسة والبرلمان والحكومة والشرطة وأن «الهراوات» أقصى أساليب فض المظاهرة إلاّ في حالة الدفاع عن النفس والممتلكات العامة، والحبس وغرامة 300 ألف جنيه لمخالفي قواعد الإخطار).
باحاول استوعب اسباب الاعتراض و اللي وصلت لدرجة اعتباره نكسة و ردة ضد الثورة. منخيل طبعا الأسباب المنطقية. يعني مثلا:
1- طلب الاذن من الداخلية معناها الداخلية تعرف مكان و مسار المظاهرة و بالتالي مش هيقدروا يفاجئوا حد أو يحتلوا المكان ( رغم انه طبعا من حق المتظاهر يحتل أي مكان)
2- اللجوء للمحكمة معناها صبر و وقت و الولاد مستعجلين ( رغم انهم أكيد هيقنعوا أي محكمة بالمظاهرة، و رغم ان الداخلية لازم تقدم سبب مقنع لرفض الاذن، و مجرد الرفض منه هيتحول تاني يوم لفضيحة عالمية و فضائية في كل مكان، و هتعمل من اللي طلب الاذن بطل و مضطهد فورا)
3- حظر الاعتصام مشكلة لأن الاعتصام و تعطيل المكان و قطع الطريق هو اللي بيجبر الدنيا كلها تتابع، و بعدين فيها بيزنيس حلو و رواج تجاري لناس عواطلية كتير ( رغم ان توصيل الصوت و الرسالة لو وراها الحق مش محتاج المبيت و الاعتصام في شوارع)
4- منع الاقتراب 50 أو 100 متر من الجهات الحكومية معناه الصوت مش هيوصل و يصحي الناس النايمة جوه، و كمان هيبقى الناس اللي جوه مطمئنة على روحها و مش خايفة ( رغم انك ما شاء الله ممكن تستخدم مايكروفونات زي بتوع الغش في الثانوي في الأرياف، و كمان معاك كل القنوات العالمية و المحلية اللي هتصور معاك و توصل صوتك جوه كل بيت)
5- الهراوات اقصى الأساليب الا في حالة الدفاع عن النفس و الممتلكات العامة: طبعا حاجة وحشة لأن العادي بتاعك لما تخلص الهتاف و الأغاني و الشتيمة بدون نتيجة انك تهاجم بالمولوتوف و الأوناش و الآلي، و في الحالة دي أكيد هيضربوك بالنار و قانوني ( رغم ان ده بالنص اللي موجود في القانون العادي، و رغم انك تاني و تالت لو متظاهر سلمي عمرك ما هتفكر تهاجم ممتلكات أو تضرب عسكري)
6- الحبس و الغرامة: ابسط رد هو اشمعنى ما احنا ياما عمان بلاوي ولا حد اتحبس ( رغم ان الغرامة مش مشكلة و في مليون من يدفعها، و كمان الحبس فرصة عبقرية للبطولة و الشهرة و النجومية و الوطنية)
تحس برضه يا أخي كلام معقول.. عشان كده اتفق عليه بتوع الاخوان و بتوع الحركات الثورية ( لكن بالتأكيد الثوار الحقيقيين اللي هما 80 % من اللي نزلوا الشوارع من أول 25 يناير مش معترضين على القواعد دي). اللي معاه الحق عمره ما هيخاف من أي وسيلة تظهر حقه بوضوح و بشكل محترم.. اللي.. تحس ان ناس كتيرة كل همها الدنيا تفضل ملخبطة و عشوائية من غير قواعد ولا نظام. في غياب القواعد و النظام تتألق العشوائية و يترعرع الفساد و يتوحش المشهلاتية. ما علينا..
جملة اعتراضية: نموذج صغير من أديب ثوري كبير كتب تويتة ان الدولة اللي بتعاقب مشجعين كورة عشان مش راضية عن اسلوب تشجيعهم لا تستحق الوصول لكأس العالم، رغم ان المشجعين دوا كانوا بيشجعوا في وسط صلاح سالم و قاطعين طريق، و زمايلهم كان بيشجعوا في المطار و داخلين أماكن غير مصرح بيها بالعافية. شكرا للادباء، اللي عمرهم ما راحوا ماتشات..
باحاول استوعب اسباب الاعتراض و اللي وصلت لدرجة اعتباره نكسة و ردة ضد الثورة. منخيل طبعا الأسباب المنطقية. يعني مثلا:
1- طلب الاذن من الداخلية معناها الداخلية تعرف مكان و مسار المظاهرة و بالتالي مش هيقدروا يفاجئوا حد أو يحتلوا المكان ( رغم انه طبعا من حق المتظاهر يحتل أي مكان)
2- اللجوء للمحكمة معناها صبر و وقت و الولاد مستعجلين ( رغم انهم أكيد هيقنعوا أي محكمة بالمظاهرة، و رغم ان الداخلية لازم تقدم سبب مقنع لرفض الاذن، و مجرد الرفض منه هيتحول تاني يوم لفضيحة عالمية و فضائية في كل مكان، و هتعمل من اللي طلب الاذن بطل و مضطهد فورا)
3- حظر الاعتصام مشكلة لأن الاعتصام و تعطيل المكان و قطع الطريق هو اللي بيجبر الدنيا كلها تتابع، و بعدين فيها بيزنيس حلو و رواج تجاري لناس عواطلية كتير ( رغم ان توصيل الصوت و الرسالة لو وراها الحق مش محتاج المبيت و الاعتصام في شوارع)
4- منع الاقتراب 50 أو 100 متر من الجهات الحكومية معناه الصوت مش هيوصل و يصحي الناس النايمة جوه، و كمان هيبقى الناس اللي جوه مطمئنة على روحها و مش خايفة ( رغم انك ما شاء الله ممكن تستخدم مايكروفونات زي بتوع الغش في الثانوي في الأرياف، و كمان معاك كل القنوات العالمية و المحلية اللي هتصور معاك و توصل صوتك جوه كل بيت)
5- الهراوات اقصى الأساليب الا في حالة الدفاع عن النفس و الممتلكات العامة: طبعا حاجة وحشة لأن العادي بتاعك لما تخلص الهتاف و الأغاني و الشتيمة بدون نتيجة انك تهاجم بالمولوتوف و الأوناش و الآلي، و في الحالة دي أكيد هيضربوك بالنار و قانوني ( رغم ان ده بالنص اللي موجود في القانون العادي، و رغم انك تاني و تالت لو متظاهر سلمي عمرك ما هتفكر تهاجم ممتلكات أو تضرب عسكري)
6- الحبس و الغرامة: ابسط رد هو اشمعنى ما احنا ياما عمان بلاوي ولا حد اتحبس ( رغم ان الغرامة مش مشكلة و في مليون من يدفعها، و كمان الحبس فرصة عبقرية للبطولة و الشهرة و النجومية و الوطنية)
تحس برضه يا أخي كلام معقول.. عشان كده اتفق عليه بتوع الاخوان و بتوع الحركات الثورية ( لكن بالتأكيد الثوار الحقيقيين اللي هما 80 % من اللي نزلوا الشوارع من أول 25 يناير مش معترضين على القواعد دي). اللي معاه الحق عمره ما هيخاف من أي وسيلة تظهر حقه بوضوح و بشكل محترم.. اللي.. تحس ان ناس كتيرة كل همها الدنيا تفضل ملخبطة و عشوائية من غير قواعد ولا نظام. في غياب القواعد و النظام تتألق العشوائية و يترعرع الفساد و يتوحش المشهلاتية. ما علينا..
جملة اعتراضية: نموذج صغير من أديب ثوري كبير كتب تويتة ان الدولة اللي بتعاقب مشجعين كورة عشان مش راضية عن اسلوب تشجيعهم لا تستحق الوصول لكأس العالم، رغم ان المشجعين دوا كانوا بيشجعوا في وسط صلاح سالم و قاطعين طريق، و زمايلهم كان بيشجعوا في المطار و داخلين أماكن غير مصرح بيها بالعافية. شكرا للادباء، اللي عمرهم ما راحوا ماتشات..
