قرأت اليوم خبر عن إيراني يعود للحياة بعد شنقه وينتظر احتمال إعدامه مرة أخرى , سأحاول أن أشرح لكم كيف عاد هذا الرجل رغم إعدامه .
الحكاية و ما فيها ان الشنق ده واحد من اقدم طرق الاعدام و كان زمان بيتبصله على انه طريقة رحيمة جدا و يقال انه نشأ فى بلاد فارس بس الفكرة هنا ان الموضوع مش بالبساطة اللى انت فاكرها دى الموضوع فيه طرق و تفاصيل كتير جدا
اول صورة للشنق هى الحبل القصير او التعليق و ده ببساطة شديدة انت بتعلق البنى ادم من رقبته فى عامود و تزق الكرسى اللى واقف عليه و بتستنى انه يموت دى اول طريقة و اقدم طريقة و اشهر طريقة برده فكرتها ان بوزن البنى ادم العقدة بتضيق و تقفل على الاوعية الدموية اللى رايحة المخ فيغمى عليه بسرعة و تقفل الtrachea فيموت البنى ادم بيحتاج حوالى 15 ثانية علشان يفقد الوعى و حوالى 10-20 دقيقة علشان يموت و دى عيبها الاساسى ان ممكن ميموتش!! ممكن بعد ما يشيلوه يكتشفوا انه مماتش و شكلهم يبقى زفت قصاد الناس :)معظم دول العالم غيرت الطريقة دى بس لازالت موجودة فى ايران -الله ينور عليك علشان كده الراجل مماتش- و معظم الاعدامات العلنية بتكون بالطريقة دى -افتكر الصورة بتاعة الناس المتعلقين-
الطريقة التانية هى الحبل الطويل و دى بقت الستاندرد فى معظم الدول و عندنا فكرتها انك بتربط البنى ادم و بتخليه يقع مسافة لا بأس بها علشان جسمه يكتسب سرعة كويسة لحد لما العقدة تشد تقوم كاسرة رقبته العنصر المهم هنا طبعا هو المسافة اللى هيقعها و مكان العقدة دى طريقة ممتازة جدا جدا جدا اخترعتها انجلترا و العالم كله مشى وراها
المشكلة بقى فين ان احيانا القوة اللى الجسم بيقع بيها بتكون كبيرة اوى لدرجة ان الراس بتتقطع ايوة زى ما سمعت كده فعلا الراس بتتقطع و طبعا بيبقى الشكل زبالة اوى فعلشان كده دى مش طريقة مناسبة انها تتعمل فى العلن و المشكلة التانية ان احيانا على العكس الوقعة بتكون ضعيفة فالرقبة متتكسرش و نضطر نستنى الربع ساعة اياها , اول ما الموضوع اتعمل كان طول الوقعة ستاندرد لكل الناس فكانت المشكلتين بيحصلوا كتير بعد كده نزلوا guideline بطول الحبل المناسب لكل شخص و نزلولها نسخة معدلة بعد كده
صحيح لسة بتحصل مشاكل اخرها لما اعدموا صدام فى واحد من اللى معاه رقبته اتقطعت فعلا بس احسن من مفيش
http://en.wikipedia.org/wiki/Official_Table_of_Drops
الطريقة التالتة و دى مش موجودة الا فى الاعدامات العلنية فى ايران دلوقتى هى الupright jerking ان احنا مش هنخلى البنى ادم يقع
لا احنا هنشده بونش علشان نكسر رقبته اخترعوها فى امريكا بس ماتت خالص من العالم كله الا ايران .
