.jpg)
صديقى المصرى الكيوت, زعلان أوى من حادثة إطلاق النار فى كينيا, عندك حق يا صديقى بس إنت تعرف أى حاجة عن القرن الأفريقى و تاثير هذة الحوادث عليك؟ لأ معرفوش قول يا ابو العريف ,,,, بص يا صديقى الكيوت, الحكاية طويلة و ملخبطة فى بعض, كان فى دولة قوية إسمها الصومال, دولة أغلبها مسلمين و معظم مشايخهم متعلمين فى الأزهر, دولة تتحكم فى مداخل قناة السويس من عند بداية البحر الأحمر, الدولة دة حصل فيها حرب أهلية و تمزق جيشها, حاولت أمريكا تتدخل حدثت حادثة و قوع الطيارة و مقتل 15 جندى مارينز, أمريكا إنسحبت و لكن بدأت المحاكم الإسلامية تسيطر, دة محاكم شرعية أزهرية و جمعت حولها شباب مقاتل, قوم أمريكا زعلت خصوصا بعد إستقلال منطقة مميزة إسمها أرض الصومال و إعلانهم تطبيق الشريعة و إن كانو ضد القاعدة, فأمريكا طلبت من أثيوبيا تغزو الصومال للتخلص من المحاكم الإسلامية, اثيوبيا هى خصم تاريخى للصومال خصومة يشتبك فيها العرق مع الدين مع الرغبة فى السيطرة, اثيويا رحبت جدا بغزو الصومال و للاسف وافقت مصر و جامعة الدول العربية و لكن طبعا مصر كانت الأاكثر تاثرا, الأكثر تأثرا بتقوية خصمها اثيوبيا و إضعاف حليفها الصومال.
أثيوبيا دخلت الصومال و قضت على المحاكم, لكن الوضع تدهور جدا و أمريكا إكتشفت إن المحاكم موش وحشة أوى, أمريكا قررت التعاون مع المحاكم و إرجاعهم للحكم و لكن ظهرت كتائب الشباب, الشباب قررو إن المحاكم كفرة و لازم يحاربو الكل, الشباب حولو صومال لحرب مشتعلة للمرة الثالثة و اثيوبيا قللت جدا وجودها فى الصومال, أثيوبيا على الناحية التانية كان عندها حرب مع أرتريا, أثيوبيا بلد مغلق و ليس بة موانى و كانت محتلة أرتريا كميناء لها, أثيوبيا خسرت الحرب و إستقلت أرتريا و اصبحت أثيوبيا ببلد مغلق, أرتريا فيها إسلاميين كثير و فى حالة هدنة حرجة مع أسياس أفورقى حاكم أرتريا العسكرى, المهم أرتريا بتكرة اثيوبيا فطبعا بتشجع أى حد يغلس على اثيوبيا و كانت رافضة لفكرة أن تصبح اثيوبيا قوية بإحتلالها الصومال, أثيوبيا دوما تتهم أرتريا انها تدعم الإرهابين الإسلاميين.
يا عم خلص فين كينيا فى الموضوع؟ كينيا بلد صغير نسبيا و لكن بيعتبر نفسة متطور و يسعى لدور فى منطقة القرن الأفريقى, مثلا كينيا كانت مقر المفاوضات بين جنوب و شمال السودان و كينيا كانت مقر مفاوضات الصومال خاصتا المحاكم الإسلامية, كما ان كينيا توفر خط مواصلات إلى موانيها تستخدمة اثيوبيا للإستيراد و التصدير, كينيا بمساعدتها لأثيوبيا اصبحت عدوة للشباب فى الصومال, علشان كدة كينيا اصبحت هدف, طبعا فى النص لازم نتكلم عن جيبوتى و إشتباك قبائلها مع الصومال و علاقتها مع اثيوبيا.
سؤال لحضرتك يا كيوت: لو مصر قررت تغلس على اثيوبيا علشان موضوع السد, يا ترى هتستخدم مين؟ الإجابة تابع ما قالة مبارك فى تسجيلاتة عن اثيوبيا و عمر سليمان :)
